പ്രളയത്തിൽ തിരിച്ചു പിടിക്കേണ്ടത് .

1 .മരണം എന്നത് ഒരിക്കൽ എനിക്കും ഉറപ്പായും വരുന്നതാണ്. അതിനാൽ പോസിറ്റിവായി ആ ഏക സത്യത്തെ സ്വീകരിക്കുന്നതിനാൽ മറ്റുള്ള നഷ്ടങ്ങൾ എല്ലാം അതിലും എത്രയോ തുച്ഛ ങ്ങളാണ് എന്ന് ഞാൻ അറിയുന്നു.അതെ ഒന്നും നഷ്ടപ്പെട്ടിട്ടി ല്ല.

2 .ഇത്രയുംനാളത്തെ എന്റെ ജീവിതവീക്ഷണങ്ങളും മണ്ടത്തരങ്ങളുമെല്ലാം ജലം കൊണ്ടുപോയി.വീണ്ടും ഒരിക്കൽക്കൂടി ശരിയായി ജീവിക്കാൻ ഒരു അവസരം തന്നു. (സാധാരണ അടുത്ത ജന്മത്തിലെ (ഉണ്ടെങ്കിൽ)ഇത് ലഭിക്കാറുള്ളു.)

3 .നമ്മുടെ ബുദ്ധിയേക്കാളും കഴിവിനേക്കാളും നമ്മുടെ ജീവിതത്തെ നിയന്ത്രിക്കാൻ പ്രകൃത്യാതീത ശക്തികൾക്ക് അല്ലെങ്കിൽ "പ്രകൃതി-ശക്തി"കൾക്കാവും .അവയോടു തികഞ്ഞ ബഹുമാനം കാട്ടിയാൽ അവയെ അറിയുവാനും ദുരന്തങ്ങളെക്കുറിച്ചുള്ള ബോധം നേരത്തെ ഉണരുവാനും സഹായിക്കും. അതിനാൽ ഞാൻ സിനിമാതാരങ്ങളെയും ഫുടബോൾ കളിക്കാരെയും വിട്ട് പ്രകൃതിശക്തികളെയും അതിനുപിന്നിലുള്ള എനർജിയെയും കൂടുതൽ പരിഗണനയോടെ പ്രധാനമായി ആരാധിക്കാൻ ശ്രമിക്കും.അടുത്ത തലമുറക്കിതു പകരുകയും ചെയ്യും.

4 .ആഡംബരങ്ങളുള്ളവരേക്കാൾ രക്ഷപെട്ടത് ആരോഗ്യമുള്ളവരായിരുന്നു.അതിനാൽ 100 വയസ്സിലും ചെയ്യാൻകഴിയുന്ന യോഗ നിത്യജീവിതത്തിന്റെ ഭാഗമാക്കും .

5 .ഞാൻ പണം ആഡംബരത്തിനു ചെലവാക്കാതിരുന്നാൽ എനിക്കുമാത്രമല്ല ഗുണം ,മറ്റുള്ളവർക്കുകൂടിയാണ് എന്നറിയുന്നു.

6 .ഇന്റർനെറ്റും ഫെയ്‌സ്ബുക്കും വട്സാപ്പും പോലെ അതാത് കാലത്തിനനുസരിച്ചുള്ള മാറ്റങ്ങളിൽ കൂടി അതാതുകാലത്തെ പുതുതലമുറയുമായി അൽപ്പമെങ്കിലും ബന്ധം ഉണ്ടാക്കുന്നത് നല്ലതാണ്.

7 .പ്രവർത്തിക്കുന്നവനെ പരാജയപ്പെടുത്തുവാൻ ആർക്കും ഒന്നിനും സാധ്യമല്ല.എന്റെ മരണത്തെക്കുറിച്ച് അഥവാ സമയത്തെക്കുറിച്ചു എനിക്ക് കൂടുതൽ ബോധ്യം വന്നതിനാൽ ചിന്തകളേക്കാൾ കൂടുതൽസമയം പ്രവർത്തിക്കുവേണ്ടി കണ്ടെത്തും.അങ്ങനെ ഞാൻ ഈ പ്രതിസന്ധിയെയും അതിജീവിക്കും.കാരണം ചിന്തകൾ എന്നെ നശിപ്പിക്കുമ്പോൾ പ്രവർത്തികളാണ് എന്നെ ശരിയെന്തെന്ന് പഠിപ്പിക്കുന്നത്.ആ മഹത്തായ അറിവുണ്ടാവുന്നതിനാൽ ജീവിതത്തിന്റെ ആകെത്തുകയിൽ അവസാനം വിജയം അപ്പോൾ എനിക്കുതന്നെയാണ്.

8 .ജാതിമത രാഷ്ട്രീയ ഭേദമില്ലാതെ ഞാൻ സ്നേഹിക്കുമ്പോഴേ ഞാൻ സത്യത്തോട് (ദൈവത്തോട് )ചേരുന്നുള്ളു.അപ്പോഴേ ഞാൻ കൂടുതൽ ബന്ധങ്ങളുള്ളവനാകു.അപ്പോഴേ നാം കൂടുതൽ ശക്തിമാനും വിജയിയുമായി മാറു .അറിവുള്ളവനാകു.അതിലുപരി "സുരക്ഷിത" നാകു.

9 .എനിക്ക് രണ്ടുവഴികൾ :- ഒന്നുകിൽ ഞാൻ ചോദ്യങ്ങൾ ,അല്ലെങ്കിൽ പരാതികൾ ഉന്നയിക്കുന്നവനാകും .അല്ലെങ്കിൽ ഞാൻ അടുത്ത തലമുറക്കുള്ള ഉത്തരമായി മാറും ,പരിഹാരങ്ങൾ കണ്ടെത്തുന്നവനായി മാറും.

10 .ഇന്നുമുതൽ എനിക്ക് പുറത്ത് ഒരു രക്ഷകൻ, അല്ലെങ്കിൽ ഉത്തരവാദിത്തപെട്ടവൻ, ഈശ്വരൻ ഒക്കെ ഉണ്ടെന്നുള്ള ധാരണ മാറ്റുകയും എന്നതിലുപരിയായി എന്നിൽ കുടികൊള്ളുന്ന ആ മഹാനായ എന്നെ മാത്രം വിശ്വസിക്കുകയും അതിന്റെ നിർദ്ദേശങ്ങൾ കേട്ട് മറ്റുള്ളവരിലും നിറഞ്ഞിരിക്കുന്ന ആ "ഞാൻ " എന്നതിനെ ശ്രദ്ധിച്ച് എളിമയോടെ ,സഹവർത്തിത്വത്തോടെ പ്രവർത്തിക്കുകയും ശ്രേയസ്കരമായ സമൂഹം സൃഷ്ടിക്കുകയും ചെയ്യും.Pls shre for others

കടപ്പാട് :ശ്രീധരൻ നമ്പൂതിരി .തപോവൻ .SREE .(Sreedharan namboothiri.N) Pls share for others.

© Thapovan Spiritual Research & Meditation center

(തപോവൻ ആത്മീയ ധ്യാന കേന്ദ്രം )

www.thapovanmeditation.com.

thapovanmeditation@gmail.com.

www.sreedharannamboothiri.com.,

09544431919

Like-https://www.facebook.com/Thapovan-spiritual-research-and-meditation-centre-520513041382625/ ".