ഭാവി നന്നാക്കിയെടുക്കുവാൻ മനുഷ്യൻ പെടാ പാട് പെടുന്നു .എന്നാൽ കൃഷ്ണൻ അർജുനനോടു പറയുന്നത് പോലെ ഭാവിയെക്കുരിച്ച്ച്ചുള്ള ടെൻഷനുകൾ കുറച്ച് ,വര്ത്തമാനകാലംശരിയാക്കിയാൽ അഥവാ ശരിയായി വർത്തമാനകാലം പ്രവര്ത്തിയാൽ നിറച്ചാൽ ഭാവി തന്നെ നേരെയായിക്കോളും .അതുതന്നെയാണ് ക്രിസ്തുവും പറയുന്നത് "ഇന്ന് ഇന്നെക്കുള്ള ദോഷം മതി,നാളെ അതിനായിക്കൊണ്ട് സ്വയം നിവർത്തിചോളും ".

ജീവിതത്തിലെ പ്രശ്നങ്ങളെ കരുത്തോടുകൂടി നേരിടുവാനും വിജയം വരിക്കുവാനും ഒരു വ്യക്തിയെ പ്രാപ്തനാക്കുന്നത് അയാളുടെ ബോധവികാസം തന്നെയാണ് എന്ന് നൂറ്റാണ്ടുകളുടെ വിജയികളെ നിരീക്ഷിച്ചാൽ അറിയാൻ കഴിയുന്നു. ബോധപൂർവം വിജയിക്കുമ്പോൾ മാത്രമേ നീണ്ടു നിൽക്കുന്ന ആസ്വാദ്യകരമായ വിജയം ഒരുവന് ലഭിക്കുകയുള്ളൂ.സാധാരണ വിജയത്തിൽ നേട്ടങ്ങൾ താത്കാലികവും മറ്റു പല അർത്ഥത്തിലും പരാജയവുമാനെന്നു അശോകനും അലക്സാണ്ടറും കാട്ടിത്തരുന്നു. ബോധപൂർവം വിജയിക്കുന്നവർ മറ്റുള്ളവരുടെ കണ്ണിൽ ചിലപ്പോൾ പരാജയപ്പെട്ടവരെന്ന് കാണപ്പെട്ടേക്കാം .പക്ഷെ അവരുടെ സ്വകാര്യമായ യഥാർഥ ജീവിതത്തിൽ ആനന്ദപൂർണരായി ,സമാധാന പൂർണ്ണരായി, സന്തോഷത്തോടെ,സ്വാതന്ത്രിയത്തോടെ ജീവിച്ചു മരിക്കുന്നു.ഏതു തരത്തിലുമുള്ള ജീവിത പ്രശ്നങ്ങൾക്കുള്ള പരിഹാരങ്ങൾ അവരവരുടെ ഉള്ളില്ത്തന്നെയാണ് ഉള്ളത് .സൃഷ്ടാവ് നമ്മെ ആ കരുത്തോടെയാണ് സൃഷ്ടിച്ചത് .പക്ഷെ ആ ബോധകേന്ദ്രവുമായി ബന്ധപ്പെടാൻ ചിന്താധിക്യത്താൽ സ്വയം കഴിയുന്നില്ല എന്നെ ഉള്ളൂ . ആത്മബോധത്തെ വികസിപ്പിച്ചു കൊണ്ട് ശക്തിയാര്ജിച്ചുകൊണ്ട് പ്രശ്നങ്ങളെ ,സ്വയം ഉത്തരം കണ്ടെത്തി പരിഹരിക്കുവാൻ ,ജീവിതത്തിൽ യഥാർഥ വിജയിയായി മാറുവാൻ പ്രായോഗികമായി സഹായിക്കുന്ന ഒരു പ്രസ്ഥാനത്തിലേക്ക് ഏവര്ക്കും സ്വാഗതം

ഭാവി അജ്ഞാതമാണ് .ഭൂതവും.ഒരു ഉറപ്പും ഇല്ലതന്നെ.അതിനാൽ ബോധപൂർവം ഇപ്പോൾ ലഭിച്ചു കൊണ്ടിരിക്കുന്ന പണത്തിൽ മാത്രം വിശ്വസിച്ചുകൊണ്ട് നടത്തുന്ന സമ്പത്തീക ആസൂത്രണങ്ങൾ ഗുണകരമായെക്കാം .

മറ്റുള്ളവരോട് സദാ കയറി തർക്കിക്കുന്നവർ സ്വയം ഉറപ്പില്ലാത്ത മിഥ്യാ ലോകത്താണ്. ഇവരുടെ തർക്കത്തിന് കാരണം അടിയിൽ മറ്റുള്ളവർക്ക് നൽകുന്ന അമിത പ്രാധാന്യം തന്നെയാണ്.എല്ലാം മറ്റുള്ളവർ അംഗീകരിച്ചെങ്കിലെ അവര്ക്ക് ത്രിപ്തിയാകു .കാരണം ഇവർ ജീവിക്കുന്നതു പഴയതോ പുതിയതോ ആയ 'ആശയങ്ങളിൽ' നിന്നുകൊണ്ടാണ് .---------അപ്പോൾ, സ്വന്തം ആശയങ്ങളാൽ നിറഞ്ഞ അവർക്ക് മറ്റുള്ളവരുടെ ആശയങ്ങളെ ഒട്ടും ഉൾക്കൊള്ളാൻ കഴിയില്ല.എന്നാൽ സ്വന്തം ആശയത്തിന്റെ ഉറപ്പിൽ അവർക്കുതന്നെ സംശയവും ഉണ്ട് .അതിനാൽ അവർ മറ്റുള്ളവരോട് വാദിച്ച് അവരുടെ ആശയങ്ങൾ ശരിയെന്നു വീണ്ടുംവീണ്ടുംസമർത്ഥിക്കുവാൻ ശ്രമിച്ചു കൊണ്ടേയിരിക്കും.അങ്ങനെ 10 പേരേക്കൊണ്ട് തോക്ക് ചൂണ്ടിയിട്ടെങ്കിലും ശരിയെന്നു സമ്മതിപ്പിച്ചാൽ ,അവർ മിണ്ടുന്നില്ലെങ്കിൽ സ്വയം ശരിയെന്നു ബോധ്യപ്പെടാമല്ലോ.അല്ലാതെ അവർക്ക് സ്വയം ആ സത്യത്തിന്റെ ഉറപ്പില്ല .ഒരുപാട് ഭരണാധികാരികൾ അത് ചെയ്തിട്ടുണ്ട്.പക്ഷെ അവരുടെ സംശയവും ഈ തർക്കവും ഈ ജന്മം തീരാൻ പോകുന്നില്ല.കാരണം അവർ അവര്ക്കുള്ളിലുള്ള മാറ്റം എന്ന സത്യത്തെ അംഗീകരിക്കാതെ, അതിനെതിരായി ഉറച്ച സ്വഭാവമുള്ള ഇഗോയുടെ ആശയങ്ങളെ മുറുകെ പിടിക്കുംപോൾ ഉള്ളിലെ അടിയിലുള്ള സത്യം ,ബോധം,സൃഷ്ടാവ് അവഗണിക്കപ്പെടുന്നു.നിങ്ങൾക്ക് ഇങ്ങനെ സ്വന്തം ഉറപ്പിനായി വാദിച്ചുകൊണ്ടിരിക്കുന്നവരെ ആരെയെങ്കിലും അറിയാമോ?

വിജയിക്കുക എന്നതിന്റെ അടിയിൽ ശാന്തതയുടെ പങ്കു വളരെ വലുതാണ്‌ .ആര്ത്തലക്കുന്ന തിരമാലകൽക്കടിയിലെ സമുദ്രം ശാന്തമാണ് .ആരക്കാലുകളുള്ള ചക്രത്തിന്റെ മദ്ധ്യം ,ചുഴലിക്കാറ്റിന്റെ മദ്ധ്യം ഒക്കെയും ശാന്തമാണ്. വിജയിക്കുവാൻ വേണ്ട ഒരു പ്രധാന ഗുണം ശാന്തതയാണ്. അത് മനസംയമാനവും ,മനസംയമനം വിജയവും നല്കുന്നു.

മറ്റുള്ളവരാൽ 50% ത്തിൽ കൂടുതൽ സ്വാധീനിക്കപ്പെടുക എന്നത് മിക്കപ്പോഴും ഒരു അടിമത്തമാകുന്നു.കാരണം അപ്പോൾ അവരുടെ ആശയങ്ങൾ നമ്മെ നിയന്ത്രിക്കുവാൻ തുടങ്ങുകയും നമ്മുടെ ബോധം അഗാധതയിലേക്ക്‌ മുങ്ങി പ്പോകുകയും ചെയ്യുന്നു.നാം അപ്പോൾ ആരുടെയൊക്കെയോ എന്തിന്റെ ഒക്കെയോ ജീവനില്ലാത്ത ചട്ടുകങ്ങളായി മാറുകയാണ്. ഒരു പക്ഷെ അത് ആയിരം വര്ഷം മുൻപുള്ള വ്യക്തിയോ പുസ്തകങ്ങളോ ആശയങ്ങളോ , വിശ്വാസങ്ങളോഅതൊന്നുമല്ലെങ്കിൽ അങ്ങനെയുളള വയാൽ നിയന്ത്രിക്കപെടുന്ന മറ്റുള്ളവരോ ഒക്കെ ആയിരിക്കാം . സത്യം ആ 50 %ത്തിൽ ആണ്.എന്നാൽ അത് 51% ആകുമ്പോൾ പോലും നാം ഭാവിയിൽ അനുഭവിക്കുവാനുള്ള ആ 1% ദുഖത്തെ ,കര്മ്മ ബന്ധത്തെ സൃഷ്ടിച്ചു തുടങ്ങുന്നു.കാരണം സജീവത (സന്തോഷത്തോടെ ജീവിക്കുക എന്ന പ്രക്രിയ ) ബോധത്തോട് കൂടിയേ വരികയുള്ളു.

ഭാവി മുൻകൂട്ടി ശരിയായി ഊഹിക്കുന്നവർ ആണ് വിജയിക്കുന്നവർ .അതിനവരെ സഹായിക്കുന്നതോ..സത്യവും.പുറത്ത് ,മറ്റുള്ളവരോടുള്ള സത്യം "കഴിവതും "പാലിക്കുക എന്നതിനോടൊപ്പം അവനവനോട് "100 % "സത്യം മാത്രം പറയുവാൻ ശ്രദ്ധിക്കുന്നവർ എവിടെയും സത്യം മാത്രം ദർശിക്കുന്നു .അപ്പോൾ സത്യത്തിലൂടെ വികസിക്കുന്ന ആത്മ ബോധത്താൽ ഭാവിയിൽ വരാൻ പോകുന്ന കാര്യകാരണ ബന്ധങ്ങളെ,വരും വരായ്ക കളെ സത്യസന്ധമായി ഊഹിക്കുവാൻ കഴിയുന്നു .അത് ശരിയായ,വിജയകരമായ ഭാവി ആസൂത്രണങ്ങളെ സഹായിക്കുന്നു.

ജീവിതമെന്നത് യാദൃച്ഛികമായ ഒരു കാര്യമാണ്,ഒന്നും മുന്കൂട്ടി നിശ്ചയിക്കപ്പെടുന്നില്ല, അതിന് മാര്ഗരേഖയൊന്നുമില്ല,അത് ഒരു മത്സരവുമല്ല,അതുമായി താദാത്മ്യം പ്രാപിക്കുക,അതെന്താണോ അതിനൊപ്പം ചലിക്കുക,അതായി തീരുക

പ്രപഞ്ചം നമുക്ക് നൽകുന്ന ഓരോ ഏകാന്തത യും ദുഖവും സ്വയം അറിയുവാനുള്ള അമൂല്യ മായ അവസരങ്ങൾ ആണ് .കാരണം അപ്പോൾ മാത്രമേ നാം നമ്മെക്കുരിച്ച് കാര്യമായി ചിന്തില്ലുന്നുള്ളൂ .അല്ലാത്തപ്പോഴൊക്കെ നാം ബാഹ്യമായ മാറ്റു വസ്തുക്കളുടേയും മറ്റ് ആളുകളുടെയും പിറകെ ആണ്.അതിനാൽ സത്യങ്ങൾ അറിയുവാൻ പ്രകൃതി കനിഞ്ഞു നൽകിയ വരദാനം ആയി ഏകാന്തതയെ തിരിചരിയുന്നവൻ,തന്റെ ഓരോ ഏകാന്തതയും ഒറ്റപ്പെടലിനെയും വലിയ അവസരങ്ങളും വിലയേറിയ പാഠങ്ങളും ആക്കി മാറ്റി മുന്നേറുന്നു.

വിജയം നേടുവാൻ ചെയ്യേണ്ട ഒരു പ്രധാന കാര്യം വിജയിച്ചവരുടെ കൂടെ കൂടുക എന്നതാണ് .സദ്സംഗങ്ങൾ എപ്പോഴും ഒരുവനെ തന്റെ മേഖലയിൽ, പാതയിൽ ഉധരിച്ച്ചുകൊണ്ടിരിക്കുന്നു .നമ്മുടെ കൂട്ട് വിലയിരുത്തുകയും ബോധപൂർവം അങ്ങനെയുള്ളവരുമായി ആക്കിയെടുക്കുകയും ചെയ്യാം .

എനിക്ക് ശരിയായ വിദ്യാഭ്യാസം നേടാനുള്ള അവസരം ലഭിച്ചില്ല

*ഓർക്കുക നല്ല വിദ്യാഭ്യാസത്തിനുള്ള അവസരം ഫോർഡ് മോട്ടോർസ് ഉടമ ഹെൻട്രി ഫോർഡിനും ലഭിച്ചിരുന്നില്ല.

2-ഞാൻ വളരെ പാവപ്പെട്ട വീട്ടിലാണ്‌ ജനിച്ചത്.
*മുൻ പ്രസിഡന്റ് അബ്ദുൽ കലാം ജനിച്ചതും പാവപ്പെട്ട വീട്ടിലായിരുന്നു.
3-എന്റെ ചെറു പ്രായത്തിൽ തന്നെ എന്റെ പിതാവ് മരണപ്പെട്ട് പോയി.
*പ്രശസ്ത സംഗീത സംവിധായകൻ എ ആർ റഹ്മാന്റെ പിതാവും റഹ്മാന്റെ ചെറുപ്പ കാലത്ത് തന്നെ മരണപ്പെട്ട് പോയിരുന്നു.
4-ഞാൻ ചെറുപ്പം മുതലേ അസുഖമുള്ളയാളായിരുന്നു.
*ഓർക്കുക ഓസ്കാർ ജേതാവായ നടി മെർലി മേറ്റ്ലിൻ ചെറുപ്പം മുതൽ ബധിരയും അസുഖമുള്ളവരുമായിരുന്നു.
5-എന്റെ ജീവിതത്തിൽ പകുതിയോളം വെറും ഒരു സൈക്കിളിലായിരുന്നു എന്റെ യാത്ര
*ഓർക്കുക നിർമയുടെ കർഷൻ പട്ടേൽ ജീവിതത്തിൽ പകുതിയോളം തന്റെ സൈക്കിളിൽ കൂടിയാണ്‌ നിർമ വിൽപന ചെയ്തിരുന്നത്.
6-ഒരപകടത്തിൽ പരുക്കേറ്റ് എനിക്ക് അംഗവൈകല്യം ഉണ്ടായതിന്‌ ശേഷം എന്റെ ധൈര്യം നഷ്ടപ്പെട്ടു പോയി.
*ഓർക്കുക പ്രശസ്ത നർത്തകി സുധാ ചന്ദ്രന്റെ കാല്‌ വെപ്പ് കാലാണ്‌.
7-എന്നെ ചെറുപ്പത്തിലേ മന്ദബുദ്ധി എന്ന് വിളിക്കുമായിരുന്നു
*ഓർക്കുക തോമസ് ആൽവാ എഡിസണെ ചെറുപ്പത്തിലേ മന്ദബുദ്ധി എന്ന് വിളിച്ചിരുന്നു.
8-ഞാൻ എത്രയോ പ്രാവശ്യം പരാജയപ്പെട്ടു ഇപ്പോൾ ധൈര്യമേ ലഭിക്കുന്നില്ല
*എബ്രഹാം ലിങ്കൺ 15 പ്രാവശ്യം തെരെഞ്ഞെടുപ്പിൽ പരാജയപ്പെട്ടതിന്‌ ശേഷമാണ്‌ പ്രസിഡന്റായത്.
9-എനിക്ക് ചെറുപ്പത്തിലേ എന്റെ കുടുംബത്തിന്റെ ഉത്തരവാദിത്വം ഏറ്റെടുക്കേണ്ടി വന്നു.
*ഇന്ത്യയുടെ വാനമ്പാടി എന്നറിയപ്പെടുന്ന പ്രശസ്ത ഗായിക ലതാമങ്കേഷ്കറിന്‌ ചെറുപ്പത്തിലേ തന്റെ കുടുംബത്തിന്റെ ഉത്തരവാദിത്വം ഏറ്റെടുക്കേണ്ടി വന്നിരുന്നു.
10-എനിക്ക് നീളം വളരെ കുറവായിരുന്നു
*സച്ചിൻ തെൻഡുല്ക്കറിനും നീളം വളരെ കുറവാണ്‌.
11-ഞാൻ വളരെ ചെറിയ ഒരു ജോലി ചെയ്യുകയായിരുന്നു.
*ഓർക്കുക ദീരുഭായ് അംബാനിയും വളരെ ചെറിയ ജോലി ചെയ്യുകയായിരുന്നു
.12-എന്റെ പ്രായം വളരെ കൂടുതലാണ്‌.
*ഓർക്കുക പ്രസിദ്ധ കെന്റകി ചിക്കൻ റസ്റ്റോറന്റ് ഉടമ അദ്ധേഹത്തിന്റെ അറുപതാമത്തെ വയസ്സിലാണ്‌ ആദ്യത്തെ റസ്റ്റോറന്റ് തുടങ്ങിയത്.
13-എന്റെ അടുത്ത് വളരെയധികം ഐഡിയകൾ ഉണ്ട് പക്ഷെ; ആരും അത് സ്വീകരിക്കുന്നില്ല.
ഓർക്കുക സീറോക്സ് ഫോട്ടോ കോപി മെഷീൻ ആഷയം നിരവധി *കമ്പനികൾ നിരസിച്ചിരുന്നു.
14-എന്റെ കൈയിൽ പണമില്ല.
*ഇൻഫോസിസ് മുൻ ചെയർമാൻ നാരായണ മൂർത്തിക്ക് പണമില്ലാത്തതിനാൽ തന്റെ ഭാര്യയുടെ ആഭരണം വിൽക്കേണ്ടി വന്നിട്ടുണ്ട്.
നിങ്ങൾ പറഞ്ഞേക്കാം ഈ മഹാന്മാർക്കുണ്ടായിരുന്ന കഴിവ് എനിക്ക് ഇല്ല എന്ന്,ഞാൻ അത് സമ്മതിക്കുന്നു എന്നും.
എന്നാൽ ഓർക്കുക ചിലപ്പോൾ നിങ്ങൾക്കുള്ള കഴിവുകൾ ഈ മഹാന്മാർക്ക് ഇല്ലായിരിക്കാം.
ശ്രമിച്ചു നോക്കുക ചിലപ്പോൾ നിങ്ങൾ അവരേക്കാൾ ഉയരത്തിലെത്തിയേക്കാം.
അതായത് നിങ്ങൾ മുന്മ്പോട്ട് പോകാൻ ആഗ്രഹിക്കുന്നു എങ്കിൽ രണ്ടിലൊന്ന് നിങ്ങൾ തിരെഞ്ഞെടുക്കേണ്ടി വരും.
ഒന്നുകിൽ പരാജയ്ത്തിനുള്ള എന്തെങ്കിലും കാരണങ്ങൾ അല്ലെങ്കിൽ വിജയത്തിന്റെ പാത.
നിങ്ങൾ വിശ്വസ്തതോടെ സാഹസികമായി ധൈര്യത്തൊടെ അദ്ധ്വാനിക്കാൻ തയ്യാറാണോ നിങ്ങളുടെ ഭാഗ്യത്തെ നിങ്ങൾ തന്നെ മാറ്റുക.
വിജയത്തിന്റെ പാത തേടി കണ്ടു പിടിക്കേണ്ടി വരുന്നു,അത് സ്വയം ലഭിക്കുന്നില്ല.
വിജയത്തിന്റെ പാത അന്വേഷിക്കുക അതിലൂടെ സഞ്ചരിക്കാൻ ആരംഭിക്കുക.
ഇന്നല്ലെങ്കിൽ നാളെ തീർച്ചയായും ലക്ഷ്യത്തിലെത്തും

പരാജയത്തിന്റെ ,ദുഖത്തിന്റെ ,ഒറ്റപ്പെടുത്തലിന്റെയും കുറ്റപ്പെടുത്തലിന്റെയും മാനസീക ലോകത്ത് നിന്നും നോക്കിയാൽ എവിടെയും നാം അത് മാത്രമേ കണ്ടെത്തു.എന്നാൽ വിജയത്തിന്റെയും ,സാധ്യതയുടെയും സ്നേഹത്തിന്റെയും ലോകത്ത് നിന്നും നോക്കിയാൽ നാം അവയെ മാത്രം കണ്ടെത്തുന്നു.നാം ഏതു മാനസീകലൊകത്തു നിന്നും നോക്കുന്നു എന്നതിനെ ആശ്രയിച്ചിരിക്കും നമ്മുടെ പ്രപഞ്ചത്തിന്റെ രൂപവും.

തളർച്ച എന്നതുണ്ടാകുന്നത് ആദ്യം മനസ്സിനാണ്‌.മനസ്സിന്റെ ലോകങ്ങൾക്കാണ് . സ്വന്തം മാനസീക ലോകത്തെ ഇടക്കിടക് ഉടച്ചു വാര്ക്കാൻ കഴിയുന്നവർക്ക് മാത്രമേ എ പ്പോഴും മാറുന്ന കാലത്തിനനുസരിച്ച് പുതുതായി നിലനില്ക്കുവാൻ കഴിയു.അതിനായി പുതിയ പുസ്തകങ്ങളോ,നല്ല പുതിയ സുഹൃത്തുക്കളോ , ടൂറോ ഒക്കെ ഒരുവനെ സഹായിക്കുന്നു.അതിനാൽ വിജയിക്കുവാനായി സ്വയം ,ഊർജസ്വലമായ ഒരു നല്ല മാനസീക ലോകം കെട്ടിപ്പടുക്കുകയാണ് ആദ്യ പടി.

പറയാൻ എളുപ്പവും പ്രവര്ത്തിക്കാൻ പ്രയാസവുമുള്ള സംഗതികളെ പ്രവര്ത്തികമാക്കുന്ന പ്രക്രിയയാണ് ഒരു സാധാരണക്കാരനെ സംബന്ധിച്ചു വിജയം എന്ന് പറയുന്നത് .

ചിന്തകൾക്ക് എപ്പോഴും ഒരു വശമേ ചിന്തിക്കുവാൻ കഴിയുകയുള്ളൂ .അതായത് ഒരു നിമിഷത്തിൽ ഒരു വശമേ ചിന്തിക്കുവാൻ കഴിയുകയുള്ളൂ.ഒന്ന് കഴിഞ്ഞു മാത്രം മറ്റൊന്ന്.എന്നാൽ നാം ചിന്തകളില്ലാതെ ബോധവാനായിരിക്കുംപോൾ എല്ലാ വശവും ഒരേപോലെ നമ്മുടെ മുന്നില് കാണുവാൻ സാധിക്കുന്നു.നാം സദാ പ്രവര്ത്തന നിരതനാകുന്നു.പരാജയപ്പെടുന്നവരുടെ മനസ്സ് ,തളരുന്നവരുടെ മനസ്സ് എപ്പോഴും ചിന്തയിൽ കെന്ദ്രീ കൃതം ആയിരിക്കും(ഒരു ചിന്തയിൽ ).അത് പ്രവര്ത്തിയെ സാവധാനമാക്കുന്നു .പക്ഷെ ജീവിതം വളരെ വേഗതയുള്ളതാണ് .അവർ മറുവശം ചിന്തിച്ചു വരുമ്പോഴേക്ക് അവസരങ്ങൾ നഷ്ടപ്പെട്ടു കഴിയും .വിജയിക്കുന്നവർ പ്രവര്ത്തന നിരതരായ ബോധവാന്മാരായിരിക്കും ,പരാജയപ്പെടുന്നവർ ചിന്തിച്ചു കൂട്ടി കൊണ്ടിരിക്കുന്നവരായിരിക്കും .